معا امام الله

هذا شعار حملة اطلقها بعض المدونين المسلمين والمسيحيين وقرأت عنها فى مدونة عباس العبد , لكن احب اوضح بعض النقاط الاساسية علشان نقدر نقول ان الحملة تساهم فى التغيير المأمول , وبما انى مسلم سوف اوضح من جانبى ومن خلال مفهومى وقناعاتى ما يعنينى فى مسألة العلاقات الاسلامية المسيحية داخل مصر , ولن اتكلم عن احتياجات المسيحيين لأنهم اقدر على الكلام بأنفسهم .
اولا : اى مبادرة يجب الا تعنى التخلى عن اى جزء من العقيدة ( والعقيدتين سواء فى هذا )
ثانيا : حل مشكلة انعدام الثقة هو الاساس لبناء جسور التفاهم بين الطرفين فلا يتصور ان نتعايش سويا ونحن نشعر ان اغلب المسيحيين يشمتون فينا اذا سب رسولنا او اذا دمرت مدننا او قتل اطفالنا واغتصبت نساؤنا , ولا يمكن ان نتعايش سويا والمسيحيين يشعرون ان المسلمين وضعوا خطة سرية تقوم اجهزة الامن المصرية بالتعاون مع الارهابيين بتنفيذها لمحو المسيحية من مصر ولأسلمة كل المسيحيين , وانا احب ان اؤكد اننى كمسلم ارى انه يجب على دعوة المسيحيين للاسلام لكن لا يجب على ان ادخلهم الاسلام , واتمنى الفرق يكون واضح
ثالثا : انا اؤمن انه يمكن التواصل مع المسيحيين المصريين بسهولة اكثر من التواصل مع العالمانيين المصريين .
رابعا : يجب ان نفتح جميع الملفات الحساسة ونخضعها للنقاش المفتوح الحر بدءا من الدعوة المتبادلة للأديان مرورا ببناء الكنائس وتطبيق الشريعة والعلاقات الخارجية بالدول الاسلامية والغربية وكل الملفات الاخرى .
خامسا : الحملة تعتبر ناجحة اذا توصلت لصيغة عقد اجتماعى ينظم العلاقة بين المسلمين والمسيحيين ويحدد واجبات وحقوق كل طرف تجاه الاخر
سادسا : المبادرة يجب ان تشمل كل الاطياف فى الجانبين المسلم والمسيحى وخصوصا الظلاميين الرجعيين الذين افخر بالانتساب لهم .
سابعا : لا يمكن ان نقبل الوطنية بديلا عن انتماءاتنا الدينية فأنا لدى ولاء للاسلام فى كل مكان من طنجة الى جاكرتا مرورا بكشمير وسيام وافغانستان وسنكيانج والشيشان والعراق وفلسطين وكل بلاد المسلمين .
ثامنا : يجب الا يملى اى طرف على الطرف الاخر طريقة فهم دينه , وانا اضرب مثل خاص بى كمسلم لما خرج علينا بعض القساوسة ليتكلموا عن تعدد الزوجات ويتوسعوا فى الشرح والتفسير والتحليل , وكذلك الكلام عن ازمة الحجاب , اللى عنده كلمة حلوة يقولها واللى ماعندوش مش لازم يتكلم , والامر كذلك بالنسبة للمسيحيين عندهم طلاق ماعندهمش طلاق فاهمين كلام الانجيل غلط فاهمينه صح دى مش شغلتنا ولا مهمتنا هما احرار فى دينهم .
تاسعا : من يريد المشاركة يتفضل بالمشاركة فى هذا الاستبيان لو كنت مسلم ورقة الاسئلة دى ولو كنت مسيحى ورقة الاسئلة دى
عاشرا : الاسئلة بعضها مستفز زى انت ليه تصاحب واحد مسيحى ؟ طيب وانت مالك حاجة غريبة .
وبعضها ايضا لا معنى له زى هو المسيحى كافر ولا مش كافر؟ عاوزنى اقول لا مش كافر ؟ وبرضه فى ورقة الاسئلة المسيحى بيقولوا هو المسلم هايروح النار ؟ امال هايدخل الملكوت يعنى ؟ ما لازم يقول هايروح بحيرة الكبريت والنار ايه لازمة الاسئلة دى انا مش عارف .

حادى عشر : اى واحد الرابط مايشتغلش معاه مش ضعف ايمان ولا حاجة زى ما بعض المغرضين بيقولوا كل الموضوع ان المتصفح بتاعك قديم شويتين نزل فايرفوكس وانت هاتلاقى الموضوع اشتغل بسهولة ويسر .