الجمعة، 7 نوفمبر 2008

عود احمد

جرت العادة التدوينية ان يعاود المدون كتاباته بعد انقطاع طويل او قصير بتدوينة شبه ثابتة عنوانها يكون فى الغالب وحشتونى جدا جدا جدا , رغم ان ما منعه من الكتابة فى مدونته لم يكن ظرفا قاهرا حال بينه وبين جمهوره العريض , او ظرف مرضى طارىء اقعده عن الكتابة , فربما كان المانع جفافا فى الافكار فى احد الاحوال او على الاغلب هو انشغال فى امر من امور الحياة العادية بما يعنى انه قد نسى خلال هذه الفترة التى انقطع فيها عن الكتابة المدونة والزوار بل وعالم التدوين بالكلية , لكن برضه بيكونوا وحشوه جدا جدا جدا , عموما ربنا يديم المعروف .
المهم انى لاحظت بعد ان ابتعدت عن التدوين الفترة الماضية ثم عدت لم اشعر ان هناك تغير جوهرى حدث فى عالم التدوين , فما زال على حاله , وكأنه قد جمد وأصبح مكررا , الجماعة بتوع الرومانسية لسة بيحبوا على نفسهم , والاخرين المتطلعون للتدوينات الادبية لسة بيقولوا كلام نصه مش مفهوم والنص التانى مالوش معنى , اما السياسيين فمازالوا مرابطين على الثغور يهاجمون الحكومة بلا هوادة ربنا يعينهم , لكن السؤال اللى بيطرح نفسه هو الناس بتدون ليه لغاية دلوقتى؟ يعنى مش حاسس ان فى انقلاب حصل فى حياتنا بسبب التدوين , واشعر ان عالم التدوين يتجه نحو النمطية والتكرار , عموما اكيد كل واحد ليه سببه .
بغض النظر عن كل ما سبق احب اقول بمناسبة عودتى الحميدة للمدونة :
العود احمد والايام ضامنة عقبى النجاح ووعد الله ينتظر

هناك 7 تعليقات:

Empress appy يقول...

نمطيه وتكرار انت جاى تجر شكل يا محمود ماشى ههههههههههههه
لا بجد سعيده برجوعك يا شيخ محمود

مهندس مصري بيحب مصر يقول...

و انت جاي تطلع نمطيتك علينا و لا جاي تعمل ايه ؟
:)
هههههههههه

mido يقول...

اهلا بحضرتك

محتاج تعيد النظر فى رؤيتك للتدوين
و الفايس بوك وغيره

محمود المصرى يقول...

بسم الله الرحمن الرحيم

آبى

ازيك يا حاجة آبى
لا والله بس مجرد انطباع الواحد حس بيه يعنى كان عندى تصور ان الفترة دى هاتشهد تغيرات كبيرة لكن حسيت انها شبه المسلسلات العربية الواحد ممكن تفوته عشرين حلقة لكن يقدر يتابع احداث المسلسل عموما انا شريك فى هذا برضه .

الباشمهندس
واحشنى والله كيف حالك ؟
زى ماتقول كده انا بأساهم بدورى فى هذه النمطية برضه

ميدو
اهلا بحضرتك
اكيد طبعا الواحد لازم يعيد النظر فى كل ارائه وفى نفس الوقت لازم نراجع انفسنا علشان نبقى شغالين لهدف مش شغالين وخلاص
تحياتى

عين فى الجنة يقول...

حمد الله على سلامتك وحشتنا والله بجد

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

محمود المصرى يقول...

بسم الله الرحمن الرحيم

الله يسلمك يا استاذنا راجى شرفت ونورت المدونة