الثلاثاء، 3 يونيو 2008

مصر اسلامية واللى مش عاجبه الباب يفوت جمل

فى اى بلد فى الدنيا الاغلبية فيها هى اللى بتحدد هوية البلد , ودا شىء طبيعى حتى فى المعادن , الدهب اللى الناس بتشترية مش كله دهب , ولا الحديد بيكون كله حديد , حتى اليورانيوم اللى بملايين مابيبقاش يورانيوم مائة بالماية , ورغم كده الدهب اسمه دهب والحديد حديد واليورانيوم يورانيوم , ونسبة المسلمين فى مصر اكتر من نسبة الدهب والحديد واليورانيوم , ولما يكون 94% من المصريين مسلمين ماينفعش واحد يقول مصر مش مسلمة , يبقى اما بيتغابى واما بيتعامى .
يا جماعة كلمة واضحة مصر اسلامية , ودا مش معناه اننا بنقول للمسيحيين لازم تسلموا , لا طبعا , ولا بنقول لهم لازم يحتكموا للاسلام , برضه لا , هما يفضلوا مسيحيين زى ما هما عاوزين ويحتكموا لشرائعهم برضه زى ما هما عاوزين , لكن مالهمش دعوة بينا , احنا نحتكم للاسلام ونطبق الشريعة براحتنا , اما بقى لو حد مش عاجبه هذه المقاربة يبقى مش قادر يتقبل المسلمين , وساعتها ماينفعش احنا اللى نخرج , لا اللى مش عاجبه البيت واللى فيه الباب يفوت جمل , ماشى الكلام ؟
بالنسبة للاحداث الاخيرة كلها احداث عادية لكن المسيحيين اجادوا التباكى , وعلى رأى احد الاصدقاء المسيحيين قال لى ان المسيحيين يحنون لعصور الاستشهاد , وعاوزين يبقوا شهداء وخلاص , ودا فعلا هو الواقع , عاوزين دايما يبقوا مضطهدين ومظلومين .
بالنسبة لحادث الزيتون ليه تصدر الاخبار ؟ هل لأن اللى ماتوا كان عددهم اربعة , ولا لأنهم كانوا فى محل دهب , ولا لأنهم مسيحيين ؟ اكيد لأنهم مسيحيين , يعنى فى مسلمين بيموتوا بالالاف فى حوادث وفى جرائم قتل ماحدش بيتكلم على انها مؤامرة طائفية ولا حاجة لكن علشان اربع مسيحيين ماتوا يبقى اكيد الموضوع طائفى , ولو فرخة مسيحية باضت بيضة اكيد وراء الحادث دا بعد طائفى , وهكذا .
اخيرا اقول لا نقول اننا نطلب من احد مسلما كان او مسيحيا ان يتنازل عن حقه , لا طبعا كله ياخد حقه ويطالب بيه , لكن مش كل حاجة تحصل لمسيحى المسيحيين يعملوا منها قضية طائفية ورأى عام ومناشدات دولية , لو صحيح مش عاوزين طائفية اعقلوا .